Koking av kaffe på svartkjelen og mat på fat. Sang og opplesing. Samling av sætringar og hyttefolk. Brekkberget har vore fast samlingsplass. Dei par siste åra har det vore på litt flatare lende så det er tilgjengeleg om det gnirkar i budei-kne og så dei små ikkje trillar utfor berget. Olsok på Brekkberget er av dei beste barndomsminner til underteikna, slik som kan skrivast med gullskrift! Når eg vart sendt nordover med mjølkebilen for å vera nokre dagar hos tante Embjørg på Brekksætra var gleda stor. Å kjenne lufta, finne seg ei grum geit, få vera med og lokke på beite, springe på svaberga, kaffelag hos dei andre budeiene. Eg fekk beskjed om å ligge til ho kom inn att frå fjoset, eg var vel ikkje til så stor nytte.... Men vi kosa oss godt i lag. Det er sikkert mange som kjenner seg att. Gode minner som er trivelege å plukke fram att!
Veteranar frå budeie-generasjonen stiller trufast opp!
Hyttebuarane er også sikre å treffe
Det er god rekruttering til framtidige olsokfeiringar
Det blir alltid diska opp med god mat -
-og med godt prat!
Ingen kommentarer:
Legg inn en kommentar