ØRJASÆTER I 2011

Neste år, i 2011 er det 125 år sidan diktaren Tore Ørjasæter vart fødd. Det er da også 100 år sidan "Vestland, vestland" vart tonesett. Tenk om Sissel Kyrkjebø hadde vilja gjesta Bråtågrenda med vakker sang.... Uansett, kultur- og oppvekstvtvalet i Skjåk kommune har sett ned ei nemnd til å stå for denne markeringa. Desse er:
Per Øyvind Ørjasæter (leiar), Heidi Banken Fallingen og Kari Elin Sperstad. Susanne Ramstad Brenna frå kulturkontoret er sekretær.Det har vore 1 møte til nå.
Vi håpar sjølvsagt på at dette skal bli ei fin markering av Ørjasæter og vil freiste å knyte til oss folk både frå aust og vest. Slekta er sjølvsagt sentral. Dersom du som les bloggen vår har tanker om dette eller idear så ta kontakt! Kanskje ei oppleving du har hatt i høve til diktinga eller til diktaren? Da høyrer vi frå deg!